Simula po nang naitayo ang PCGG, at nagtalaga ng mga Commissioners sa ilalim ni Pangulong Corazon Aquino, Fidel Ramos, Joseph Estrada, Gloria Arroyo, Benigno Aquino III, at Rodrigo Duterte, ay hindi pa po nagbago ang salita ng PCGG. Tuloy-tuloy pa rin sila sa paghabol ng nakaw na yaman ng mga Marcos. Kamakailan lang ay nag-announce ang Duterte PCGG na hahabulin nila ang San Miguel Bank of Commerce para sa nakaw na yaman ng mga Marcos.

PhP 174 billion na po ang nabawi na nakaw na yaman mula sa mga Marcos. May PhP 125 billion pa na babawiin sa mga Marcos. Ito ang report ng Duterte-appointed Commissioners. Ang sabi po nila sa kanilang report, napunta ang yaman na ito sa:

Mga magsasaka sa ilalim ng CARP
Human rights victims
Coco Levy Trust Fund

At noong 2019, iniutos ni Duterte pati ang pagbenta ng mga alahas ni Imelda. Pakiusap po, tigilan na ng mga supporters ng mga Marcos ang malisyosong kwento niyo na isinuot ni Kris ang mga ito. Wala pong kinalaman ang mga Aquino sa alahas ni Imelda.

Ang PhP 174 billion na ito ay nanggaling sa mga:
sinauli ng mga nangumpisal na cronies o kasabwat ni Marcos,
nahatulan na bahagi ng nakaw na yaman,
na-sequester ng PCGG at hindi na-contest ng mga humahawak sa kanila,
na-i-surrender ni Gng. Imelda Marcos sa pamahalaan ng Pilipinas kapalit ng pag-dismiss ng kaso laban sa kanila na dinala ng Roger Roxas family sa kanila sa Hawaii;
at ang mga na-forfeit in favor of the government dahil nakita ng Korte Suprema na nakaw na yaman nga ang mga ito.

MAY DATI NA PO TAYONG POSTS TUNGKOL SA:
1) listahan ng mga cronies at mga nakaw na yaman ng mga Marcos na isinauli nila;
2) ang tatlong desisyon ng Supreme Court na nagsasabing nakaw na yaman ang mga assets ng mga Marcos na lampas sa USD 304,000 approximately dahil wala silang maipakitang legitimate source ng kanilang yaman, at ayon sa batas, unlawfully acquired ang mga malaking kalampasan dito;
3) na walang Tallano gold, wala pong 7,000 metric tons si Marcos na ipinahiram sa World Bank at iba’t ibang bansa. Wala pong yaman na kung manalo si Bongbong ay ipamumudmod sa bansa. Maaari pong meron silang “a few” gold bars, gaya ng sinabi ni Pangulong Duterte, na willing silang ibalik sa Pilipinas. Pero hindi po yung inaasahan nating nakakalulang yaman.