Marami-rami rin sa mga kasabwat ng mag-asawang Ferdinand at Imelda Marcos ang nangumpisal at nagsauli ng nakaw na yaman sa pamahalaan. Marahil ay magkahalong pagsisisi, takot sa Diyos at sa batas ang nagtulak sa kanila na mangumpisal. Ang pinakauna na nagsauli ng iniingatan niyang nakaw na yaman ng mga Marcos ay ang Filipino-Chinese businessman na si JOSE YAO CAMPOS noong April, 1986.

Ang ginawa po ng mga kasabwat ni Ferdinand Marcos na gustong mangumpisal at magsauli, ay nakipag-usap sila sa PCGG at gumawa ng mga affidavit o sinumpaang-salaysay, at pag tinanggap na ang kanilang “confession” ay nag-surrender sila sa gobyerno ng mga titulo ng lupa, building, shares of stock sa mga kumpanya, o certificate of deposits at equity sa mga bangko.

Ito nga po ang ginawa ni Jose Yao Campos. Lumapit siya sa PCGG at sinumpaan ang katotohanan na itinago niya ang malalaking ari-arian para kay Pangulong Marcos at isinasauli na niya ito sa pamahalaan. Ang PCGG po ay may awtoridad na tanggapin sa ilalim ng batas ang pangungumpisal na ganito. Hindi po itinanggi ng mga Marcos ang pangungumpisal ni Campos, ayon sa court records.

Ganito po ang nasa records ng Supreme Court sa 2017 decision nito:

“The 1991 Petition (Republic of the Philippines petition) sought the recovery of the assets and properties pertaining to the Marcoses, who acquired them directly or indirectly through, or as a result of, the improper or illegal use of funds or properties owned by the government. The properties, subject of other pending forfeiture cases before the Sandiganbayan, were excluded; and the properties, subject of the 1991 Petition, were specifically listed and accordingly clustered into 18 categories.”