Sa isang post ay inilista na natin ang at least 13 kasabwat o cronies ni Marcos ang nangumpisal at nangakong magbabalik o kaya ay nagbalik na nga ng nakaw na yaman ni Marcos sa Pilipinas. Pakibasa po at nasa link ko ang mga detalye sa pangungumpisal ng mga kasabwat ng mga Marcos. Ito po ang names ng mga nakitaan natin sa opisyal na mga dokumento o public announcements (mula sa Supreme Court, Sandiganbayan at PCGG), na mga nangumpisal: JOSE YAO CAMPOS, ROLANDO GAPUD, JESUS TANCHANGCO, JOSE DE VENECIA, ANTONIO FLOIRENDO, ROBERTO BENEDICTO, ANTHONY LEE, ALEJO GANUT, JR., ANOS FONACIER, MAXIMO AGANA, ANTONIO MARTEL, RAYMUNDO S. FELICIANO, BALTAZAR AQUINO. Mayroon pa pong ibang mga cronies na mas malaki ang inaakalang kinamkam na mga nakaw na yaman, kasabwat ni Marcos. Gaya nina Lucio Tan, Danding Cojuangco, Herminio Disini, atbp., ngunit binabasa ko pa po ang mga dokumento tungkol sa kanila, kaya hindi ko pa po naiikwento dito ang aking mga nabasa.

Ang pangungumpisal ng cronies ay kasingbigat ng mga court decisions na nagsasabing galing sa nakaw na yaman o ilegalidad ang nakamkam ng mga Marcos. Imagine niyo po, at least 13 na ang nagsabi na huwag lamang silang ipakulong, ay magsasauli sila at tutulong sa gobyerno na bawiin ang mga ninakaw ng mga Marcos na nasa kanilang kamay, o tutulong sila sa pagsisiwalat ng iba pang gawain ng pagkamkam ng mga Marcos.

Ito naman po ang at least 5 final court decisions galing sa iba’t ibang bansa, na nagsasabing nangulimbat si Marcos ng kaban ng bayan o kaya ay ilegal ang pinanggalingan o ill-gotten ang kaniyang yaman. Kailangan ko pa pong dagdagan later ang mga desisyon ng Sandiganbayan. Ipapaliwanag ko rin po kung bakit ang ibang mga kaso ukol sa ill-gotten wealth ay na-dismiss ng mga korte, at kung bakit, NI ISA SA MGA DISMISSAL NA ITO, AY HINDI NAGSABING WALANG NINAKAW ANG MGA MARCOS.

Ito po ang limang desisyong nagpapatibay sa KONKLUSYON NA NAGNAKAW ANG MGA MARCOS:

 New Jersey, United States (September 13, 1986).

Nag-award ng mahigit na USD 1.3 million dollars ang korte ng New Jersey, pabor sa Philippine government dahil sa ebidensya na ang mga pondo na natagpuan ng Philippine government sa isang bangko sa New Jersey, pati na ang isang building dito ay galing sa nakaw na yaman ng mga Marcos. Ito ang statement ng korte ayon sa mga diyaryo sa America:

“The judge, Paul G. Levy, sitting in the Chancery Division, said evidence provide(d) by the Aquino Government ”proved without any doubt that the monies recovered and property involved belong” to the Philippines.”

In Tagalog po: Sabi ni Judge Paul G. Levy, ng Chancery Division (ng State of New Jersey, United States), na ang ebidensiya na ibinigay ng pamahalaan ni Pangulong Aquino ay “nagpatunay, walang kaduda-duda, na ang mga pera at ari-arian na pinag-uusapan ay ari-arian ng Pilipinas (at hindi kina Marcos).