Makamandag ang epekto ni Ferdinand Marcos Sr. sa mga institusyon ng iba’t ibang bansa. Sinisi ng marami ang US sa matagal nitong pagkunsinti kay Marcos sa pang-aabuso niyang ginawa sa bayan. Nabulabog maging ang mga korte nila, at ang kanilang mga policies na parang naging unconditional support sa repressive regimes gaya ng kay Marcos, ay kinailangang i-revise. Dinagdagan ng human rights at anti-corruption elements ang kanilang foreign policy dahil sa leksyon mula sa Marcos regime.

Napaso din ang Japanese government. Nagkaroon sila ng political crisis nung nabulgar ang sistema ng pagkokotong ni Ferdinand Marcos Sr. sa mga Japanese corporations. Ang mga corporations kuno, na ma-aawardan ng infrastructure development contract sa ilalim ng Japanese Reparation Fund para sa World War II damage and death ng mga Pilipino, ay hinihingan ni Marcos ng 15% commission. Idinedeposito naman ang kotong na ito sa HongKong branches ng secret Swiss bank accounts ni Marcos. Tinawag tuloy ang season na iyon as the season of the Marcos Diet (Japanese Parliament) dahil hiyang-hiya ang gobyerno sa malawakang pagnanakaw ni Marcos sa pera ng mga Hapones, na pang-repair sana ng relasyon ng mga Hapon sa napinsala nilang mga Pilipino. Kalahating milyon ang namatay sa giyerang iyon. Naipost na natin ito dati.

Sino namang mag-aakala na pati ang Switzerland, ay tatanggihan ang anumang association with Ferdinand Marcos Sr., eh sila ang pasimuno ng secret banking na gustong-gusto ni Ferdinand at Imelda? Hiyang-hiya ang mga Swisso sa krimen na nagawa sa mga Pilipino ng kliyente nilang si Marcos.