Dahil po nahuli siya ng US Government na bumibili ng mga armas at nagpaplanong mag-book ng flight pabalik sa Pilipinas upang gyerahin ang pamahalaan ni Pangulong Corazon Aquino at i-hostage si Cory. Nai-record ang boses niya at pwede niyo po itong pakinggan sa link sa baba.

Nagplano si Marcos, Sr. ng kanyang pagbabalik sa Pilipinas sa isang madugong paraan. Bumibili siya ng armas na sapat sa tatlong buwan na pakikipagdigmaan sa pamahalaan ni Cory. Ang mga armas na binibili niya ay pawang mga high-powered. Aarmasan niya ang mga followers niya, at kung sino man sa militar na willing sumama sa kanya. Plano niyang maglanding sa Ilocos Norte at inihahanda niya ang kanyang sarili nang mga panahong iyon para sa mahaba at madugong pakikipag-agawan ng pwesto kay Cory Aquino.

Hindi alam ni Marcos na na-tape ni Robert Chastain ang kanyang mga sinabi habang nagku-kwento siya tungkol sa kanyang yaman. Ibinigay ni Ex-Congressman Stephen Solarz ang tape sa US Department of Justice at simula noon ay pinagbawalan na siya ng US government na lumabas sa isla ng Hawaii.

Handa si Marcos na pumatay ng Pilipino, makabalik lamang sa pwesto. Kaya’t hindi siya maaaring pabalikin hangga’t may banta ng violent force na gagamitin ni Marcos laban sa kapwa Pilipino. At kinalaunan ay na-ospital na nga si Ferdinand Marcos, Sr. hanggang siya’y namatay noong 1989.

Basahin niyo po ang mga international articles na ito tungkol sa madugong plano ni Marcos. Makinig po kayo sa recording sa baba sa timecode 16:29, mismong boses ni Marcos na nagku-kwento pati ng plano niya na i-hostage si Cory.