Alalahanin po natin na si Kristo ay Katotohanan. Hindi maaaring magsama ang kasinungalingan at katotohanan sa Kanyang pagkatao. Anuman ang winika Niya, hindi Niya ininda ang oposisyon—panlalait, galit at pagihihiganti—ng mga nasasaktan sa sinasabi Niya, sapagkat ang mga katotohanang ibinabahagi Niya ay magpapalaya sa mga taong nabibihag ng kasinungalingan.

Isang form ng nakakabihag na kasinungalingan ang pag-worship sa mga pulitiko, lalo na ang mga nakitaan na ng malalaking kasalanan sa bayan ngunit pilit pa ring pinagtatakpan ang mga ito.

Ipinaalala sa akin kahapon ng isang batang pastor at community leader ang sinabi ni Rizal sa kaniyang liham sa mga kababaihan ng Malolos:

“Ipinanganak ang tao na pare-parehong hubad at walang tali. ‘Di sila nilikha ng Diyos upang maalipin, ‘di binigyan ng isip para magpabulag, at ‘di biniyayaan ng katwiran upang maloko ng iba. Hindi pagmamataas ang hindi pagsamba sa kapwa-tao, ang pagpapaliwanag ng isip, at pagiging tuwid sa anumang bagay.  Ang mapagmataas ay ang nagpapasamba, ang nambubulag sa iba, at ang ibig panaigin ang kaniyang gusto sa matuwid at tama.”