Binubudol-budol po ang mga Pilipino para pagtakpan ang pagnanakaw ni Ferdinand at Imelda Marcos sa dami ng fake news na ipinakalat ng supporters nila sa socmed. Dahil dito, nalito ang marami at nag-isip na baka si Marcos pa nga daw ang nagpondo ng mga projects sa Pilipinas, at umaasa na ibabalik ang yaman nila at ipamumudmod sa taumbayan, lalung-lalo na sa mga supporters ni Bongbong.

Basahin lamang po ang timeline na ito, buksan ang links, at kaagad ninyong maiko-conclude na budol-budol lamang ang ginawa para pagtakpan ang napakalaking kasalanan ng mga Marcos sa bayan na dahilan kung bakit tayo naghihirap hanggang ngayon.

𝗣𝗿𝗲-𝗦𝗽𝗮𝗻𝗶𝘀𝗵 𝗧𝗶𝗺𝗲

Mayroong mga ikinalat na fake news na ang Tallano Royal Family daw ay ang mga kamag-anak ng mga European royalty na nagmamay-ari ng buong Pilipinas, kasama na ang Spratlys at Sabah. SOBRANG FAKE PO ITO. Lahat ng historians ng Pilipinas, at ang mismong history book na approved ni Marcos ay nagsabing mga hiwa-hiwalay na mga barangay na may datu o pinuno ang naninirahan sa Pilipinas noon. Lahat ng historians ay nagsasabi na walang isang naghahari o nagmamay-ari ng Pilipinas. Ang fake news ng Tallano family po ay kumakalat sa internet bilang Youtube video.

𝗕𝗶𝗴𝗹𝗮𝗻𝗴 𝗝𝘂𝗺𝗽 𝗸𝗮𝘆 𝗠𝗮𝗿𝗰𝗼𝘀

Kasama po ito ng pekeng kwento tungkol sa Tallano family. Dahil daw sa laki ng kaso ng lupa na naipanalo ni Marcos bilang abugado, binigyan siya ng 7,000 tons of gold ng Tallano family. Imposible po ito:

(1) wala pong ganung kalaking gold ang sinumang pamilya sa Pilipinas, napasinungalingan na po iyang Tallano gold ng maraming experts sa gold production;

(2) ang titulo sa lupa noon ay maaari lamang ibigay ng Spanish government, then later, ng American authorities, kaya hindi maaaring manggaling sa Tallano family;

(3) Si Marcos po ay kumuha ng bar noong 1939, at maaari lamang mag-practice ng abugasya noong 1941, matapos siyang ma-acquit sa Nalundasan murder charge. So, hindi probable na may ibinigay na malaking kaso sa kanya noong 1940’s;

(4) Giyera na noong 1941-1945, kaya wala nang court trials na maaaring maglitis ng ganitong kaso. Obvious po na fake, ano?

𝟭𝟵𝟰𝟵 – 𝗙𝗮𝗸𝗲 𝗡𝗲𝘄𝘀 𝘁𝘂𝗻𝗴𝗸𝗼𝗹 𝘀𝗮 𝟮 𝗥𝗶𝗰𝗵𝗲𝘀𝘁 𝗠𝗲𝗻 𝗶𝗻 𝘁𝗵𝗲 𝗪𝗼𝗿𝗹𝗱

May kumakalat din na fake news na noong 1949, si Marcos at ang isang Fr. Antonio Diaz ang two richest men in the world. Naku po, 32 years old lang po si Marcos noon, at katatapos pa lamang niyang magsilbi bilang abugado ng pamahalaan for 3 years, kung saan mababa ang sweldo. Ito po ang simula ng kaniyang unang term bilang kongresista, at hindi po siya kilalang napakayamang kongresista. Wala pong maaaring panggalingan ng yaman si Marcos sa panahong iyun. Kahit saliksikin niyo pa ang lahat ng credible na listahan ng mga richest people in the world, wala si Marcos doon. Ang meron ay isang pekeng website na hindi natin alam kung sino ang nag-set9up. Hindi po madaling mapa take-down ang fake website. Kailangan po ng matitinik na forensic investigators para mai-take down ito, ngunit malinaw po na ang prino-promote nito ay ang pantasya ng origin ng yaman ng mga Marcos, at ang pangakong ipamamahagi ang yaman ni Marcos, at paniwala ng marami, kung mananalo si Bongbong sa pagkapangulo.

𝟭𝟵𝟱𝟰 – 𝗙𝗮𝗸𝗲 𝗡𝗲𝘄𝘀 𝘁𝘂𝗻𝗴𝗸𝗼𝗹 𝘀𝗮 𝗣𝗮𝗴𝗯𝘂𝗯𝘂𝗸𝗮𝘀 𝗻𝗴 𝗠𝗮𝗿𝗰𝗼𝘀 𝗦𝘄𝗶𝘀𝘀 𝗦𝗲𝗰𝗿𝗲𝘁 𝗕𝗮𝗻𝗸 𝗔𝗰𝗰𝗼𝘂𝗻𝘁𝘀

False po ang sinasabi ng isang vlogger at isang blogger na in 1954, ay nagbukas si Ferdinand at Imelda Marcos ng secret bank accounts. In 1954, 37 years old pa lang si Marcos, hindi nakikitaan ng nakakalulang yaman. Bagong kasal po sila at walang travel history sa Switzerland kung saan sinasabing nagbukas sila ng secret bank accounts. In fact, 𝘀𝗮𝗯𝗶 𝗽𝗼 𝗻𝗴 𝗦𝘂𝗽𝗿𝗲𝗺𝗲 𝗖𝗼𝘂𝗿𝘁 𝘀𝗮 𝟮𝟬𝟬𝟯 𝘂𝗻𝗮𝗻𝗶𝗺𝗼𝘂𝘀 𝗱𝗲𝗰𝗶𝘀𝗶𝗼𝗻 𝗻𝗶𝘁𝗼, 𝗶𝘁 𝘄𝗮𝘀 𝗼𝗻𝗹𝘆 𝗶𝗻 𝟭𝟵𝟲𝟴, 𝟯𝗿𝗱 𝘆𝗲𝗮𝗿 𝗻𝗮 𝗻𝗴 𝗽𝗿𝗲𝘀𝗶𝗱𝗲𝗻𝗰𝘆 𝗻𝗶 𝗠𝗮𝗿𝗰𝗼𝘀, 𝗻𝗮 𝗻𝗮𝗴-𝗼𝗽𝗲𝗻 𝘀𝗶 𝗙𝗲𝗿𝗱𝗶𝗻𝗮𝗻𝗱 𝗮𝘁 𝗜𝗺𝗲𝗹𝗱𝗮 𝗻𝗴 𝗪𝗶𝗹𝗹𝗶𝗮𝗺 𝗦𝗮𝘂𝗻𝗱𝗲𝗿𝘀 𝗮𝘁 𝗝𝗮𝗻𝗲 𝗥𝘆𝗮𝗻 𝘀𝗲𝗰𝗿𝗲𝘁 𝗦𝘄𝗶𝘀𝘀 𝗯𝗮𝗻𝗸 𝗮𝗰𝗰𝗼𝘂𝗻𝘁𝘀.